Opus Dei

“¿Habéis visto alguna persona de su edad que hablara así de estar enamorado, del amor a Dios?”. Isto preguntaba Patricia San Miguel, coautora do libro “Camino enamorado” (Palabra), na presentación que fixo na Casa do Libro de Vigo. Referíase a san Josemaría Escrivá. Entre ela e Gema Pérez Herrera destilaron, explican no subtítulo, un 10% do libro máis famoso de san Josemaría. ¿Para qué? Para dar resposta a unha pregunta que facía o fundador do Opus Dei: ¿Como podemos vivir se non estamos namorados?

“Nós non somos alleos ao galego. Nós non temos un punto de vista negativo sobre o galego”. Son palabras de Xesús Alonso Montero, entón presidente da Real Academia Galega (RAG), na presentación de "Conversacións con Mons. Escrivá de Balaguer" (Follas Novas). Valoraba o profesor e filólogo, falecido o pasado 6 de febreiro, o que, na súa opinión, pensaban "os militantes e simpatizantes do Opus Dei" sobre o feito de traducir ao galego os libros de san Josemaría. Tamém agradecía que se fixeran esas traducións.

Escriben. Publican. Debaten. Ven películas baseadas en libros pero sobre todo son adictas a lectura. A súa profesora, MaryLuz Álvarez-Buylla, recomendalles libros a elas e aos seus pais. Almudena, Daniela, Valentina e Alejandra son estudantes de segundo da ESO e forman parte do grupo de escritura creativa do Club Beiramar de Vigo. Para difundir a importancia da lectura veñen de convocar un concurso de microrrelatos para estudantes de 5º e 6º de primaria e 1º da ESO da provincia de Pontevedra.

O acompañamento entre os sacerdotes, os retos da vida sacerdotal e a situación social na que se moven os presbíteros foron algunhas das cuestións tratadas nas xornadas sacerdotais celebradas os días 26 e 27 de xaneiro en Montecelo (Paderne- A Coruña). Os relatores foron monseñor José María Yanguas, bispo de Cuenca, e Santiago Martínez, director do Centro de Estudos Josemaría Escrivá (Universidade de Navarra). O lema do encontro foi “Nunca só. O corazón do sacerdote e a súa verdadeira compañía”.

A coral Casablanca encheu o Teatro García Barbón de Vigo o día seis de febreiro nun concerto no que puxo o talento da formación ao servizo das persoas que máis o necesitan. Harambee ONGD compartiu nesta ocasión o destino solidario dos fondos recadados coa Asociación Española Contra o Cancro e coa Fundación Casa Caridad de Vigo – Hogar San José, que ofrece refuxio, atención e esperanza a persoas en situación de vulnerabilidade.

Preto dun centenar de persoas —na súa maioría nenos— participaron no Xubileu dos Nenos Adoradores, celebrado no marco do Xubileu da Esperanza convocado polo Papa. A xornada incluíu adoración eucarística, xogos, talleres e unha misa presidida polo bispo D. Antonio José Valín Valdés na Catedral de Tui.

A través dunha colección de selos dos cinco continentes e no contexto do centenario do Opus Dei que se aproxima, María José Pedreira rende homenaxe á figura de san Josemaría Escrivá e á mensaxe universal que el promoveu: a santidade na vida cotiá.

A fundación Conchita Bernárdez impulsa o espírito orixinal do Camiño de Santiago con peregrinos, moitos do Opus Dei, que limpan igrexas e coidan o patrimonio espiritual. Apóianlles voluntarias de Vigo encargadas do mantemento de ornamentos litúrxicos en templos rurais. O libro "El Camino de Santiago y más" conta como xurdiu este proxecto e as distintas iniciativas.

Con motivo do 50 aniversario do seu falecemento celebráronse dúas misas en Vigo, a cidade desde a que San Josemaría fixo a súa primeira viaxe a Portugal. O país luso foi o primeiro fora de España no que empezou a labor do Opus Dei.

A nixeriana Enase Okonedo, que recibiu o Premio Harambee 2025 a Promoción e Igualdade das Mulleres Africanas, estivo o 6 marzo en Vigo para dar a conferencia “O camiño da igualdade das mulleres africanas”. O acto tivo lugar na Escola de Artes e Oficios (EMAO), contou coa presenza do alcalde de Vigo, Abel Caballero, e foi presentado por Carmen Ruiz, profesora de Dereito Financeiro e Tributario. Enase Okonedo tamén mantivo reunións con alumnos do Centro de Estudos Aloya e do colexio Las Acacias.