"Actualidade" e "teoloxía moi profunda" nos libros "É Cristo que pasa" e "Amigos de Deus"
O bispo de Tui-Vigo, don Luís Quinteiro Fiuza, salientou a vixencia das homilías de san Josemaría publicadas por primeira vez hai medio século. Nelas “seguimos a encontrar unha mensaxe transcendente que nos enche o corazón. Estes libros chegaron nun momento que renovan a nosa ilusión por eles”. Falaba don Luís de "É Cristo que pasa" e "Amigos de Deus" que ven de publicar por primeira vez en galego pola editorial Agoeiro.
A loita pola vida dunha enfermeira galega no Congo
A enfermeira viguesa Candelas Varela Vázquez vive e traballa dende hai vinte anos na República Democrática do Congo, un país que o Papa Francisco sinalou como moi perigoso para os católicos, onde a violencia da ditadura conflúe coa fame, a miseria e unha malaria que afecta sobre todo aos máis débiles. O xornal "Faro de Vigo" recolleu a situación de Candelas, que forma parte do Opus Dei, e lembrou a súa historia.
Viaxe do prelado do Opus Dei a Galicia, Castela e León e Asturias
Do 1 ao 6 de xullo, Mons. Fernando Ocáriz participou en encontros con diferentes colectivos -familias, enfermos, membros do Opus Dei e amigos-, en Galicia, Castela e León e Asturias. Tamén estivo con varios bispos e concelebrou misas nas catedrais de Santiago e Oviedo. Nun dos encontros lembrou as súas raices galegas reflectidas no seu segundo apelido: Braña.
As homilías de "É Cristo que pasa" e "Amigos de Deus", en galego
A editorial Agoeiro vén de publicar en galego os libros de homilías de san Josemaría Escrivá É Cristo que pasa e Amigos de Deus. O primeiro volume saíra en 1973, dous anos antes da morte do fundador do Opus Dei; o segundo é póstumo e chegou ás librarías en 1977. Cada un destes libros contén 18 homilías que foron traducidas ao galego por Araceli Filgueira Iglesias.
DisCamino: Non deixes que che digan que non podes
En 2009 Gerardo, un xordo-cego de 31 anos, viaxou dende Roncesvalles ata Compostela nun triciclo tándem. Así xurdiu un grupo de voluntarios, que pedalean cos seus copilotos de distintas capacidades. Neste dobre ano xacobeo percorreron 2.900 quilómetros por diferentes rutas do Camiño de Santiago. Moncho, un vigués do Opus Dei, sumouse a este proxecto e explica como esta iniciativa ofrece apoio e respiro ás familias e os coidadores.
Marcos Cavestany, de arquitecto solidario en Galicia a sacerdote
Monseñor Ricardo García, bispo da prelatura de Yauyos-Cañete-Huarochirí (Perú), ordenou o pasado 21 de maio, na basílica de San Eugenio de Roma, a 24 sacerdotes da prelatura do Opus Dei. Entre os novos curas está Marcos Cavestany que fixo parte do seus estudios de arquitectura na Universidade da Coruña e traballou en asociacións xuvenís galegas como o club Doira de Vigo e o club Rueiro da Coruña
A economista nixeriana Franca Ovadje, premio Harambee pola súa promoción das mulleres africanas
Galicia promove diversas iniciativas de apoio a Harambee, a ONG posta en marcha con motivo da canonización de san Xosemaría Escrivá, fundador do Opus Dei. O premio deste ano recoñece os programas de formación para mulleres emprendedoras promovidos por Ovadje que converteron a moitas delas en pequenas empresarias. Franca Ovadje é unha prestixiosa economista nixeriana, graduada nas universidades de Ibadan e Nsukka e doutora en Administración de Empresas polo IESE.
Inna e Igor, ucraínos co corazón en Vigo
Rosa e Pedro recibiron en Vigo a Inna e Igor, dous irmáns orfos de Chernóbil. Foi a finais dos anos 90 e pasaron a ser da familia de este matrimonio de Supernumerarios do Opus Dei. Durante un tempo os pequenos viaxaban de Ucraína a Vigo cada ano. Agora, máis de vinte anos despois, Inna escapou da guerra co seu fillo e está de novo coa súa familia adoptiva. Igor quedou no seu país para axudar. Faro Vigo publicou esta historia que tamén recolleu a TVG e outras canles de televisión.
“Coñecido o Banco de Alimentos… tiña que implicarme”
Manolo Parada, pai de familia e membro do Opus Dei, co seu amigo Pepe Pita e un grupo de voluntarios puxeron en marcha o Banco de Alimentos de Santiago. A Manolo non lle resultou fácil pois o seu traballo requiríalle moito tempo. Na actualidade, o Banco de Alimentos ofréceos a case 40 entidades benéficas que atenden a unhas 8.000 persoas necesitadas de Santiago e do Barbanza. A historia desta iniciativa solidaria foi publicada por El Correo Gallego, que colaborou con ela cedendo parte das súas instalacións.
Camiño de Compostela, da man dun santo
“Vouvos propor que camiñedes con san Xosemaría, un peregrino do noso tempo”. É a iniciativa de Santiago Climent, un sacerdote que recompilou textos do fundador do Opus Dei, un “contemplativo itinerante”, vinculados coa peregrinación a Santiago de Compostela e á viaxe da vida.