Opus Dei

Pilar Díaz-Caso faleceu o 13 de febreiro víctima da colisión frontal entre dous vehículos ocorrida en Fisteus (Curtis-A Coruña). O feito conmocionou tanto a profesorado e alumnos da Efa Piñeiral, onde era docente e durante un tempo foi directora, como na comarca de Arzúa. Foron numerosas as testemuñas de condolencia chegadas ao centro e á súa familia e achegados.

O acompañamento entre os sacerdotes, os retos da vida sacerdotal e a situación social na que se moven os presbíteros foron algunhas das cuestións tratadas nas xornadas sacerdotais celebradas os días 26 e 27 de xaneiro en Montecelo (Paderne- A Coruña). Os relatores foron monseñor José María Yanguas, bispo de Cuenca, e Santiago Martínez, director do Centro de Estudos Josemaría Escrivá (Universidade de Navarra). O lema do encontro foi “Nunca só. O corazón do sacerdote e a súa verdadeira compañía”.

Falece Manuel Fernández Areal, mestre de xornalistas e primeiro Decano da Facultade de Ciencias Sociais e da Comunicación da Universidade de Vigo [Campus de Pontevedra]. Ferrolán de berce, estudou Dereito na Universidade de Santiago. Doutor en Dereito e en Ciencias da Información, foi o primeiro presidente da Sociedade Española de Xornalística, dedicada a investigación nesta materia.

A coral Casablanca encheu o Teatro García Barbón de Vigo o día seis de febreiro nun concerto no que puxo o talento da formación ao servizo das persoas que máis o necesitan. Harambee ONGD compartiu nesta ocasión o destino solidario dos fondos recadados coa Asociación Española Contra o Cancro e coa Fundación Casa Caridad de Vigo – Hogar San José, que ofrece refuxio, atención e esperanza a persoas en situación de vulnerabilidade.

Preto dun centenar de persoas —na súa maioría nenos— participaron no Xubileu dos Nenos Adoradores, celebrado no marco do Xubileu da Esperanza convocado polo Papa. A xornada incluíu adoración eucarística, xogos, talleres e unha misa presidida polo bispo D. Antonio José Valín Valdés na Catedral de Tui.

A través dunha colección de selos dos cinco continentes e no contexto do centenario do Opus Dei que se aproxima, María José Pedreira rende homenaxe á figura de san Josemaría Escrivá e á mensaxe universal que el promoveu: a santidade na vida cotiá.

A fundación Conchita Bernárdez impulsa o espírito orixinal do Camiño de Santiago con peregrinos, moitos do Opus Dei, que limpan igrexas e coidan o patrimonio espiritual. Apóianlles voluntarias de Vigo encargadas do mantemento de ornamentos litúrxicos en templos rurais. O libro "El Camino de Santiago y más" conta como xurdiu este proxecto e as distintas iniciativas.

Con motivo do 50 aniversario do seu falecemento celebráronse dúas misas en Vigo, a cidade desde a que San Josemaría fixo a súa primeira viaxe a Portugal. O país luso foi o primeiro fora de España no que empezou a labor do Opus Dei.

O Pazo de Exposicións e Congresos da Coruña foi o escenario da celebración do 50 aniversario do Colexio Montespiño, o pasado 21 de marzo. Este acto congregou a máis de 500 persoas, entre autoridades, profesores, familias, estudantes e antigos alumnos.

A nixeriana Enase Okonedo, que recibiu o Premio Harambee 2025 a Promoción e Igualdade das Mulleres Africanas, estivo o 6 marzo en Vigo para dar a conferencia “O camiño da igualdade das mulleres africanas”. O acto tivo lugar na Escola de Artes e Oficios (EMAO), contou coa presenza do alcalde de Vigo, Abel Caballero, e foi presentado por Carmen Ruiz, profesora de Dereito Financeiro e Tributario. Enase Okonedo tamén mantivo reunións con alumnos do Centro de Estudos Aloya e do colexio Las Acacias.