Opus Dei

Fai máis de medio século que Fina recibe nacementos traídos por familiares e amigos de varios continentes. A colección desta supernumeraria do Opus Dei foi recoñecida polos belenistas da cidade.

Francisca Colomer, doutora en Historia pola Universidade de Murcia, relata a vida de Ramona Sanjurjo, unha das primeiras supernumerarias do Opus Dei. Nacida o 20 de xaneiro de 1916 en Santiago de Compostela, Ramona medrou nunha contorna dinámica e chea de inquietudes profesionais. Na súa narración Colomer presenta algunhas pinceladas da vida desta muller vital e xenerosa, cuxo entusiasmo e sacrificio convertérona nunha figura destacada no Vigo de principios do século XX.

Un artigo de prensa lembra a terceira arquitecta de Galicia (tras Rita Fernández e Elena Arregui) meses antes de que se cumpra unha década do seu falecemento. Entre as súas obras están o local social do pescador de Fisterra e, na Coruña, a Torre dos Maestros, a fonte de Catro Camiños e o barrio de Elviña levantado para o realoxo de familias desfavorecidas. Sendo agnóstica, coñeceu ao arquitecto e sacerdote nacido en Ferrol Ricardo Fernández Vallespín e pouco despois pideu a admisión no Opus Dei

A Plataforma per a Família Catalunya-ONU entregou a Mar Dorrio o premio “Loitadora pola Familia” por ser “un exemplo na defensa desta institución a través de diversos medios, e tamén na educación dos fillos, a súa extensa familia”. Así o explicaba Daniel Arasa, presidente da Plataforma que con este galardón quere premiar a actividade das persoas que traballan en favor do recoñecemento da familia como institución en diversos ámbitos.

Xente nova formada nas Efas difunde o seu traballo no agro, o programa da TVG "Labranza" conta como é a formación en Fonteboa e a secretaria das Efas galegas, Belén Rodríguez, foi nomeada vicepresidenta da Asociación Internacional de Movementos Familiares para a Formación Rural.

Despois dunha reportaxe publicada en Faro de Vigo foi chamado por varios medios de comunicación. A razón é que D. José Carlos usa Confesor GO, unha aplicación que localiza sacerdotes dispoñibles para impartir o sacramento da reconciliación. Así, a confesión facilítase ás persoas mantendo as distancias de seguridade.

Joseba é profesor. Durante o confinamento atendía ás clases en liña e, sen poder saír da casa, tivo momentos libres que aproveitou para retomar a súa afección polos trucos de maxia cos que moitas familias estiveron entretidas.

Hai máis de doce anos, Mar decidiu organizar os venres un café coloquio no seu Ferrol natal. Formato presencial. O modelo exportouse e en poucos anos ducias de persoas comezaron a unirse de xeito virtual cos seus cafés desde outros lugares de España e Latinoamérica.

Como en tantos outros lugares durante a alerta sanitaria polo coronavirus, na residencia onde traballa Rafa tiveron que multiplicar os seus esforzos para atender ás persoas maiores con profesionalidade e agarimo.

«Máis dunha persoa que leu a novela díxome que lle está axudando moito nas relacións entre ela e o seu marido», asegura a doutora viguesa Isabel Coma autora da novela «O marido de Carlota». Para esta cardióloga e escritora «a boa literatura é a que chega ao corazón e aos afectos».