Opus Dei

Contan desde Nairobi que sempre hai moita ledicia cando un fillo retorna dunha longa estadía no estranxeiro. Esa alegría é maior cando ese fillo volve sendo sacerdote. Foi o que aconteceu con Paul Kioko, médico que estreou en Galicia o seu sacerdocio e volveu a Nairobi, ao suburbio de Karen, a parroquia na que foi bautizado e confirmado.

Unha simpática discusión entre catro amigos de Vigo deu paso a un campionato solidario de golf. Agora son case 150 os golfistas que apoiaron CHEP, o proxecto de saúde materno-infantil que Harambee está a impulsar en Kenya.

A asociación Aboal encheu o auditorio do Mar de Vigo co espectáculo «O Mago de Oz». Máis dun cento de persoas das familias que colaboran con esta ONG traballaron nesta montaxe, que tiña un fin solidario: axudar ao Banco de Alimentos e os proxectos de escolarización de nenas en Kenya que leva adiante a ONG Harambee.

«Máis dunha persoa que leu a novela díxome que lle está axudando moito nas relacións entre ela e o seu marido», asegura a doutora viguesa Isabel Coma autora da novela «O marido de Carlota». Para esta cardióloga e escritora «a boa literatura é a que chega ao corazón e aos afectos».

A ferrolana Mar Dorrio acaba de publicar o libro “Calendario de Adviento” (Eunsa). Esta nai de doce fillos _e outros catro que están no Ceo_ conta como vive o Nadal a súa familia, a importancia dos preparativos, como as portas da súa casa están abertas aos amigos dos seu fillos ou como pide axuda ao Espíritu Santo [“temos que premer máis veces a tecla de help pidíndolle axuda”].

​Anastaçia chegou á fe cristiá por medio da familia, pero cunha traxectoria diferente á de moitas outras persoas. Naceu nunha pequena cidade chamada Kisii, preto de Nairobi, e despois de estudar Psicoloxía e Criminoloxía viaxou a Vigo para desenvolver un proxecto internacional... e atopar á fe.

No Colexio Maior Arosa non todos os anos empezamos o curso con tanto glamour. Este tivemos a sorte de contar cunha invitada que é un referente no mundo da moda: Adriana Domínguez, a Conselleira Delegada de Adolfo Domínguez.

Oito universitarios galegos pasaron as vacacións de verán na posta en marcha dun programa de apoio á educación en Camerún e na construción de dúas novas aulas do colexio Azobe en Yaoundé, a capital do país.

Un requisito e moita ilusión para axudar onde queira que sexan necesarios. Unha historia que demostra que a idade non é un impedimento para saír de casa e cociñar, falar de temas de actualidade e montar un grupo de música para amenizar as tardes de persoas necesitadas.

O prelado do Opus Dei, Mons. Fernando Ocáriz, nomeou a Isidro Fontenla Armadá vicario da Delegación da Obra en Galicia. Sustitúe a Ángel Lasheras Presas, que foi designado director espiritual desta mesma Delegación.