Opus Dei

Pilar Díaz-Caso faleceu o 13 de febreiro víctima da colisión frontal entre dous vehículos ocorrida en Fisteus (Curtis-A Coruña). O feito conmocionou tanto a profesorado e alumnos da Efa Piñeiral, onde era docente e durante un tempo foi directora, como na comarca de Arzúa. Foron numerosas as testemuñas de condolencia chegadas ao centro e á súa familia e achegados.

O sacerdote Xoán Carlos Rodríguez Paradela repasa nunha entrevista publicada no periódico El Progreso de Lugo a súa traxectoria vital e a sua paixón polo atletismo é o deporte en xeral: “Son do Club Deportivo Lugo. Xa ía cando o campo estaba na Avenida da Coruña”. Leva dez anos sendo o capelán do Lugo.

José Carlos Alonso escribe esta necrolóxica, publicada en La Voz de Galicia, de Don José Luis Casado Moreno, sacerdote do Opus Dei falecido na Coruña. Especialista en teoloxía moral, José Luis Casado faleceu aos 66 anos e está enterrado en San Pantaleón das Viñas, en Paderne.

Falece Manuel Fernández Areal, mestre de xornalistas e primeiro Decano da Facultade de Ciencias Sociais e da Comunicación da Universidade de Vigo [Campus de Pontevedra]. Ferrolán de berce, estudou Dereito na Universidade de Santiago. Doutor en Dereito e en Ciencias da Información, foi o primeiro presidente da Sociedade Española de Xornalística, dedicada a investigación nesta materia.

O Centro de Promoción Rural-EFA Fonteboa recibiu o XXII Premio Aresa de Desenvolvemento Rural, un galardón convocado polo grupo empresarial Aresa e a Universidade de Santiago (USC). O xurado, segundo subliñou o seu presidente, o reitor da USC, Antonio López, tivo especialmente en conta o labor de formación e capacitación profesional que desenvolve Fonteboa desde a súa posta en marcha en 1975 no concello de Coristanco.

Unhas 350 persoas das residencias de maiores de Vigo, Santiago e A Coruña enviaron a súa carta aos Reis grazas á iniciativa de Asdegal. A acción solidaria desta ONG contouna o suplemento YES de La Voz de Galicia.

O Pazo de Exposicións e Congresos da Coruña foi o escenario da celebración do 50 aniversario do Colexio Montespiño, o pasado 21 de marzo. Este acto congregou a máis de 500 persoas, entre autoridades, profesores, familias, estudantes e antigos alumnos.

Educador total. Así cualifica a Joseba Andoni Barturen Alonso (Vigo, 1961-2021) o seu compañeiro do colexio Montecastelo de Vigo Javier Arcas. Faino no obituario publicado no Faro de Vigo no que reflicte a gran calidade profesional e humana deste profesor falecido de maneira sorprendente o 14 de agosto.

Javier Cremades Sanz-Pastor (Zaragoza, 1946-Madrid, 2021) foi ordenado sacerdote en 1973 e doutorouse en Teoloxía na Universidade de Navarra. A finais dos anos 70 foi capelán do Colexio Maior La Estila desde onde marcharía a Madrid onde en 2011 dirixiu os actos centrais da Xornada Mundial da Xuventude. O seu pasamento foi recollido en numerosos xornais, entre eles La Región de Ourense.