Jose Mari Sarriegi “Sarri”-ren omenez

Martak bere tesia euskeraz defendatu zuen bere maisua gogoratuz

Opus Dei - Jose Mari Sarriegi “Sarri”-ren omenez

Marta Iturrizak “A framework for city stakeholders climate change awareness-development process” doktore-tesiaren defentsa publikoa egin zuen joan den uztailaren 10ean, Jose Julio Gonzalez doktorea buru duen epaimahaiaren aurrean, Tecnungo Ibaeta Eraikineko Gradu Gelan.

Tesia defendatu ondoren, epaimahaiko kide guztiek zorionak eman zizkieten Marta Iturrizari eta haren tesi-zuzendariari, Dr. Leire Labaka, egindako ikerketa-lanagatik. Azpimarratu behar da tesia bi hizkuntzatan defendatu zela: ingelesez eta euskaraz, azken horretan “Sarri, ilusio berezia egingo zion ohorea egiteko”, nabarmendu du Iturrizak.

“Hain zuzen, liburukia bi hizkuntzetan daukat” dio doktore berriak, “eta aurkezpenean zati bat euskaraz egin nuen, eta horretarako epaimahaiak aldibereko itzulpena egin zuen”. Gainera, zenbait izapide egin ziren, eta Euskaltzaindiko pertsona bat defentsa-ekitaldira joan zen eta lana ebaluatu zuen, “dena ofizialago eginez”, azpimarratu du Iturrizak..

Marta Iturrizarena izan da nazioarteko tesi bat tramitatu eta defendatu den lehen aldia eta euskararen aipamena lortu da. “Egia esan, dena oso ondo joan zen, oso eroso egon nintzen eta epaimahaiak ere asko gozatu zuen, niretzat garrantzitsua zena”, dio Marta Iturrizak.