Ikerketa-irakasle hau familia misto batean jaio zen, aita musulmana eta ama katolikoa, biak intelektualak eta eragin sozial handikoak.

Haiek hainbat balio irakatsi zizkioten, hala nola, lanerako gogoa, pertsonekiko errespetua eta zintzotasuna, betiere bere herrialdearen eta besteen zerbitzura.

Sawadogo doktoreak ikasle askori laguntzen die, baita ekonomikoki ere, graduazioa amaitu dezaten. Gaur egun, bere ikasleak medikuak, farmazialariak eta unibertsitateko irakasleak dira.

Enpresetan eta laborategietan lan egiten dute edo beren farmazia-bulegoa bultzatu dute, ez bakarrik Boli Kostan, baita Afrikako, Europako eta Estatu Batuetako beste herrialde askotan ere.

“Boli Kostan, farmazia-bulegoak eta lehen mailako osasun-zentro publikoak puntu fokalak dira Coviden aurka borrokatzeko. Pandemiak gure herrialdean eragin txikia izan duen arren, dagoeneko 10 dira bizitza galdu duten botikariak”.

Koronabirusaren pandemian, Duni Sawadogo AIRP Autorité Ivoirienne de Regulation Pharmaceutique delakoaren Zuzendaritza Batzordean sartu da. Europako Sendagaiaren Agentziaren antzeko erakundea, Covid-19ren aurkako txertoak onartzen dituena.

Gazteei ikasketak bukatzen laguntzeaz gain, Sawadogo doktoreak etengabe laguntzen du emakumeen eta emakumearen eta familiaren aldeko erakunde eta ekimenen arteko berdintasuna sustatzen, bere unibertsitateko emakume irakasleen elkarteko kide den aldetik. “Nire arduraldi eta ahalegin nagusia, agian, ikerketa-karrera bultzatzea da; izan ere, zailtasun handiak ditugu, baliabide gutxiko herrialde batean, itxaropena gal ez dezaten.”

Halaber, Bigarren Hezkuntzako irakasleak animatzen ditu emakumearen eta zientziaren mugimenduarekin bat egin dezaten, eta Zientzia, Teknologia, Ingeniaritza eta Matematikaren alorrean emakumeen parte-hartzearen koxka murrizteko lan egin dezaten. “Guztion artean lortu beharreko zerbait da”.

Drepanozitosia duten gaixoak tratatzeko zentro bat bultzatzeko baliabideak izatea du amets, eta sendagai faltsifikatuen ondorio kaltegarriak herritarrei ezagutaraztea, sendagai horiek erosteko tranpan ez daitezen.