O libro foi publicado pola Editorial Palabra . O seu autor é Javier Medina (Portugalete, 1950).
Dora del Hoyo naceu nun pobo de Castela e León, en 1914. Tras efectuar os estudos elementais, comezou a traballar como empregada doméstica.
En 1939 trasladouse a Madrid, onde alcanzou un merecido prestixio no seu ámbito profesional. En 1946, pediu a admisión no Opus Dei: foi a primeira numeraria auxiliar na Obra.
Ese mesmo ano, trasladouse a Roma. Co seu traballo escondido e a súa recia abnegación, foi unha axuda inestimable para san Xosemaría Escrivá de Balaguer e para a expansión do Opus Dei polo mundo.
San Xosemaría valorou sempre moito o traballo das súas fillas numerarias e numerarias auxiliares, que se dedican profesionalmente ás tarefas do fogar nos centros do Opus Dei.
Explicaba que esas tarefas constitúen como a "espiña dorsal" sobre a que se apoia todo o labor apostólica. E afirmaba: "¡É unha cousa de primeira importancia o traballo no fogar! Polo demais, todos os traballos poden ter a mesma calidade sobrenatural: non hai tarefas grandes ou pequenas; todas son grandes, se se fan por amor".
Por iso, foi "unha luz acesa" para as persoas que a trataron en vida, e seguirá séndoo para quen a coñeza a través dos seus recordos.
Con data de 11 de outubro de 2011 o Bispo Prelado do Opus Dei convidou aos fieis da Prelatura a achegar datos con vistas á introdución da súa Causa de Canonización.
